记者访问了地铁公会的主席陈善和]。他强调以下全是他个人意见，并不代表公会立场，因为鬼神这类东西－－「信则有不信则无」。
「我本人唔信有鬼，不过系地铁做左十九年，当然有听过地铁鬼故！」陈并不否认地铁内的确传出不少鬼故，「或者地铁的工作好多时都系要单独一个人啦，好似车长，又或者系车厂度做野都系得你一个人，所以特别容易传出鬼故罗。」
「有时地铁的工程都有发生过工业意外，亦曾经有一些站系有人跳轨，所以都会有人讲鬼怪作祟。但系咪真实就无从稽考。」
陈又有没有听闻过地铁员工所提供的鬼故？「好似见到有人在地铁的电缆上面打千秋、有细路仔系隧道度玩、甚至系有人跳车之後失踪都有听过。不过印象唔系好深刻，因为鬼神呢样野，听过就算，都唔会记系心度。」「比较印象深刻，怀疑有人跳轨之後唔见。果次报纸都有登过啦！个车长见到有个白影跌落路轨，之後搵唔到跌落去果个人。不过呢样事好多时都系听番黎，当要搵返个当时人又搵唔到。」
